SiQA LiRiK LaGU - Online Lirik Galeri

Artist : Halim Yazid
Title : Diri Ambo (Bangkit Asal 2)

Ambo nok sambun kisoh dighi sedighi
Doh adek kakok kapon pakak nok dengaa lagih
Ambo hormak sanjon segalo kaseh segalo budi
Susoh hok ambo tanggun adek kakok ambek peghati

Ooo…oooo..
Ambo ghaso bebesaa hati
Ooo…oooo..
Terimo kaseh setinggi-tinggi

Maso kecik ambo beso makey nasik sajo-sajo
Kalu ado sekeghak ikey pon keno bagi duo
Dapo como ado gaghe jaghe benaa ado gulo
Bajopoh male-male pakaa minun air telago

Bangun pagi-pagi sauk baju pakaa sluaa
Mek ambo ghebuh ubi bukuh buwi buak bekaa
Dio pesey haghi-haghi Leng ngaji lah pandaa-pandaa
Kalu seksok pah tinggi oghe kato bulih jadi pegawa

Ooo…oooo..
Ambo gi skoloh beghungga-ghungga
Ooo…oooo..
Ambo nok ngaji wi pandaa-pandaa

Ado satu ketiko..
Cekgu mitok sepuloh ghiyaa
Dio kato skoloh kito nok gi melawak sambii belajaa
Hmm..Tak dok apo doh la cekgu sayo tok leh bayaa
Oghe lain gi blako ambo soghe jah tinggaa

Hok ambo peghik seghoti keno gi skoloh alik petey
cekgu kato wajik maghi ghumoh kunin ado latihey
Ambo lah banyok sekali keno hungga kelilin padey
Keghano ambo tok leh nok beli sluaa pendek kasuk sukey

Ooo…oooo..
Malunyo weihh ambo keno pajey
Ooo…oooo..
Ni la baghu ambo ghoyak kok ghe

Teghimo kaseh la cekgu-cekgu
Keghano sudi ajaa sayo
Daghi daghejoh satu hingga jadi maknusio
Mitok halaa segalo ilmu hok cekgu buwi selamo maso
Wi tapok kaki gughu ambo tundok mitok redho

Ambo masuk yunibesiti tahon lapey puloh
Budok kapon nok gi ngaji
Tok tahu la mano jatuh
Adek-adek kecik lagih ghato segenak kok dale baghuh
Iktekak dale hati ambo nok ngaji sunggoh-sunggoh

Ingak malu kok ghe waghih waghah dok pakak kato
Tok soh laa dudok tebey kalu tidok bako kayo
Ataa skoloh anok jate wat ngabih ko hagheto
Tidok kato nok pakak ghatey tulon baatu samah duo

Ooo…oooo..
Tak dok nyo dighi ambo
Ooo…oooo..
Demo tok sir kelih walau sebeloh mato

Mek dengaa ayoh masuk jadi peneroko baghu
Daley bukik nok taney getoh di Kesedaa Lebir Satu
Peghe dengaa ghimaa gajoh makey tok makey tak dok sapo tahu
Beginih laa oghe susoh nok tanggon anok ngaji di Yuu

Keghano keado’ey begitu ayoh ambek keputusey
Wahai anok-anokku kito pecoh lah tigo jale
Mu Halen anok nombo satu dok Kualo Lupo ngaji la soghe
Adek-adek tinggaa kapon dulu pakak dudok la limo oghe

Ooo…oooo..
Selamak tinggaa selamak jale
Ooo…oooo..
Adek hok boosu jeghik sokmo male-male

Alkisoh la ambo pulok tengoh dok mengaji di Yu Malaya
Buku rujukey pun ambo tak dok pakaa haghak ko salen nota
Beghaso malu jugok masok majelih hok besaa-besaa
Baju ambo mughoh telajok duo belah ghiyaa jah selaa

Haghi konbokesyen
Haghi utok ayoh bondo
Penak jeghih seghibu musen
Haghak mek ayoh beghaso banggo
Tahniah daghi sain-sain ambo teghimo banyok bungo
Ambo lah oghe panggey Halen
Anok kapon sesok hok buley bejayo

Ooo…oooo..
Akhirnyo ambo buleh sarjano
Ooo…oooo..
Syukoo pado Allah Maho Kuaso

Unlimited Music Download : Download Mp3 Clip Video Free

Artist : Halim Yazid
Title : Seribu Erti

*Seribu erti kata
Alaf baru bermula
Penyambong seri warna bangsa

Teguh berdiri kita
Berpanjikan susila
Membentok diri berbudaya

Ulang*

Sekian lama kita terkunci dalam gelita
Hidup tidak menjunjung apa
Dibawah panas khatulistiwa
Ohh..Hingga tumbuh melata akar budaya

Ulang*

[Guitar Solo]

Seribu tahun hasrat berlalu kita serupa
Kesopanan terpelihara kelembutan berbudi bahasa
Oh..Peribadi bangsaku meniti masa

Ulang*

[Guitar Solo]

Unlimited Music Download : Download Mp3 Clip Video Free

Artist : Halim Yazid
Title : Diri Ambo

Nok bakit asal..ambo nok ghoyak titeh
Adek kakok kalu nok kenay sekali nih gak nyo buleh
Dighi ambo gelaa Halem Bin Yazid Bin Awang Teh
Asaa di kapon Changal dale jajahe pasey puteh
Duo puloh limo oktobo tahon ney puloh
Ambo lahir ko dunio di seghambi gelegaa buloh

Tika kandunge bondo dinih haghi awaa suboh
Ambo celik mato tengok aley nih lawa sunggoh

Ambo pon besaa dengaa penoh kaseh saye
Dale sebuoh basaa dighi atah tanoh oghe
Ayoh slalu tinggaa gi pagi kelik male
Kijo caghi samah seghiaa nok buwi ambo makey

Umo tujoh tahon ambo pon ngaji sekoloh
Anok mughid tigo butey kapon pakak dudok satu derjoh
Cekgu-cekgu sanjon kato hati ambo ceghoh
Tolok kali bagi capoy ambo conggok jawak mudoh

Naik tikaktey sekoloh nengoh Tok Janggok
Malu tu gak kok ghe baju caghik sluaa bughuk
Keno bayaa yurey tambey bah ngan beli bok
Ayoh tepakso juaa aye hok dio saye dale peghekok

Peghekso es’pi’eng ambo buleh gerek satu
Naik tikaktey ney keno pindoh ko sekoloh baghu
Di sekolah menengoh Kamey hati ambo betaboh saghu
Sain sekelah oghe seney-seney nok masuk dekak ambo raso malu

Bosey ko drebaa bah dok mitok pitih haghi-haghi
Doh tambey hok bule lepah ngaa bule nih tok bayaa lagih
Bekali ambo ni hagah hai tok padey gak dengaa bodi
Ambo lopak tughun bah galah bek bejale kaki

Daghi kapon Changal ke Skoloh Menengoh Kamey
Sikik jale banyok benghungga ngaa airmato beliney-liney

Haghi-haghi lapaa jaghe benaa haghi kenye
Pitih pokek semenggu seghiyal pado wat beli baik ambo sipey

Haghi sekoloh umun keputuse es’ti’pi
Sain-sain maghi khumu dok pakak cuwenk dok pakak puji
Beley-beley senyun ambo tanyo bakpo gak nih
Sain kato hebaknyo mu keputuse mu tinggi sekali

Puah ayoh mikir nok caghi seghibu ghiyaa
Doh ambo keno panggey masuk ngaji di yu’ melaya’
Koghek habih tukey bawoh tuku celoh bataa
Jale yey terakhir tanoh sebutir tu ayoh juaa

Ambo tinggaa kapon denge beliney airmato
Sapaa Kualo Lupo tak dok waghih sedagho magho

Dengaa baju selaa sepunggon daftaa yu tahon tamo
India cino pakak likon kato budok daghak maghi mano

Ambo masuk yu ayoh pindoh ko guo musey
Ambo mengadak buku ayoh nebah tanoh hutey
Sedih becapo sayu ingak ko ayoh ambo soghe
Lo nih ambo gaji beghibu nok balah jaso ayoh tok padey

Nok bakit asal..ambo nok ghoyak titeh
Adek kakok kalu nok kenay sekali nih gak nyo buleh
Dighi ambo gelaa Halen Bin Yazid Bin Awang Teh
Asaa di kapon Changal dale jajahe pasey puteh

Unlimited Music Download : Download Mp3 Clip Video Free

Artist : Halim Yazid
Title : Kenangan Selamat Tinggal

Mintoklah sekali nak tengok matomu
Sebelom pegi hile tok leh temu
Hacur lughuhnyo hati nok lepah tangemu
Habih sapaa la sinih suko cito dulu

Mohonlah sekali nak sebuk namomu
Wahai puteri jeliteku satu
Nok ingak sapaa mati tulih dale buku
Taghuh tok tepak suci tak dok sebutir debu
Laa..laa..hmmm..hmmm

Masing-masing kito..bawok saghok diri
Tok leh doh nok jupo..walau ingak lagih
Dok dumoh aku seney ngan anok istri
Begini ko jodoh pertemue nasib Tuhe buwi

Tok sapaanyo hati tengok mu dok soghe
Tahong tukaa gati..nenggung selughuh buley
Gatun tok napok tali tingga dengan saye
Airmatomu jadi sain tido male
Laa..laa..
Uhh..uhh..

Sekso habih sekso..sunyinyo hidupku
Pucatnya ghupo tubuh lemoh layu
Duduk ingak ko dio sebeghe lauk bighu
Ikhlas teghima denge redho
Soba setio dulu
Laa.laa..
Uhh..uhh..

Izinku nok pesey..haghak la mu sudi
Jadi kesihatey..tok soh tughuk hati
Senyum-senyumlah saye..saye mudo lagih
Cukop doh mu doh bekorbey utok soghe suami

Ambiklah mu sipe alamak emailku
Gati tubuh bade tak dok gapo satu
Jikomu raso bimbe atau pun keliru
Kighim-kighim la pesey ku nok tupey tahu
Laa..laa..
Uhh..uhh

Unlimited Music Download : Download Mp3 Clip Video Free

Artist : Halim Yazid
Title : Untuk adik-adik USM

Adek-adek USM Pulaa Piney
Baik-baik serto napok ado imey
*Tok puah tilek hok tu comey hok ni comey
Tengok ko adek ghaso segaa doh la demey

Ulang*

Lamo benaa jugok abe tok maghi
Ghaso nanaa mulo-mulo masuk takdih
*Ado so konaa sapaa situ abe begheti
Abe dok semetaa laye sebok dale hati

Ulang*

*Keghano aghak adek-adek jepuk maghi
Beghak-beghak pon gagoh gi lagih

Ulang*

Ghaso tok cekak demey semo doh banyok aghi
Teley obak tok cekak teley tok siaa lagih
Ghaso tok cekak demey semo doh banyok aghi
Teley obak tok cekak teley tok sendek lagih

Kalau dulu acak jugok abe maghi
Dale semenggu ado la duo tigo kali
*Oghe dok rindu ado soghe dudok nati
Makey tok lalu kalu tok leh makey sekali

Ulang*

Kaseh abe dulu oghe comey senggoti
Tok leh lawey dale selughoh unibesiti
Pengaroh piley dok maghi kecek haghi-haghi
Nok wat ghoye nok sughuh belakon jadi heroin
Pengaroh piley dok maghi kecek haghi-haghi
Nok wat piley nok sughuh belakon jadi heroin

*Puisi rok tepak seylo madujani
Buleh napok sebeghey lauk duo negheghi

Ulang*

*Sebuoh ghertok panjey penghubun duo hati
Kaseh tok beganjok ikak kejak sipol mati

Ulang*

Kadey-kadey seminggu jugok abe dok sinih
Male-male temey dio gi stadi
Lepah makey ataa pulok masuk leberi
Pak limo jey pon abe gheylo tunggu lagih

Kaseh saye ghuponyo tok kekaa lamo
Hok kito rance Tuhe laa teytu seymo
Dio ghaik iley dok tahu dio dok demano
Tinggaa abe soghe jange tanyo abe ghaso guano
Dio ghaik iley tak dok sapo tahu dio dok demano
Tinggaa abe soghe jange adek tanyo ghaso guano

*Male nih abe gasho malu
Tengok kelilin hati ghaso sayu

Ulang*

*Ghama bisin adek maghi bedeghu-deghu
Abe sunyi supo dale guo batu..

Ulang*

Abe ghaso tak dok doh nok gaati
Puteri rajo pon abe tok sir lagih
*Abe ghelo beghumohtanggo dale mimpi
Hiduk sekso ingak ko dio sapaa mati

Ulang*

Mano ado ghama-ghama male nih
Kenaa Ko dio oghe comey puteh kunin
Aii kalu jupo kalu dio ado maghi
Ghoyak lah ko dio kato abe ado lagih
Jikalau jupo kalu dio ado maghi
Ghoyak lah ko dio kato abe ado lagih

Unlimited Music Download : Download Mp3 Clip Video Free

Artist : Halim Yazid
Title : Besain Denge Oghe Comey

Payoh sunggoh nok besain..denge oghe comey
Ghama lagi oghe lain..dok pakak bekeney
Nok jupo keno begiley..
Hati raso tok seney..jadi mainey

Dale maso sebule..buleh temu sekali
Itu pon kebetule..dio tok dey laghi
Aaaa..aaaa…aaaa.aaaaa..aaaaa…

Maso baghu kenaa..napok malu-malu 2x
Moleknya peghangha..kito nyo tok tahu
Dio ado kaseh ghama..kito nih oghe baghu
Ghaso cemburuyy..

Tiak-tiak maley..tok negho nok tido
Ingak ko perbuatey tok supo tutoy
Aaaa..aaaa…aaaa.aaaaa..aaaaa…

Pikey gi pikey maghi..baghu aku sedaa 2x
Gak oghe tok sudi..tebeng tak dok pasaa
Dok gilo ko demo..wat sakik ko hati
Tidoku tok leno..mandiku tok cuci
Menyekso dighi..

Becegha kaseh saye bukey nyo mudoh
Nok tido tok leh tebaye nok lupo payoh

Aaaa..aaaa…aaaa.aaaaa..aaaaa…

Unlimited Music Download : Download Mp3 Clip Video Free